Velosport: yurtimizda Osiyo chempionati o'tkaziladi

O'zbekiston Respublikasi Jismoniy tarbiya va sport vazirligi, Milliy olimpiya qo'mitasi, Xalqaro velosipedchilar ittifoqi (UCI), Osiyo velosport konfederaciyasi (ASS) hamda mamlakatimiz velosport federaciyasi tomonidan tashkil etilayotgan ushbu musobaqada o'smirlar, kattalar va paralimpiyachilar o'rtasida g'oliblar aniqlanadi.

Unda Xitoy, Yaponiya, Janubiy Koreya, Hindiston, Vetnam, Gonkong, Malayziya, Filippin, Tailand, Mo'g'uliston, BAA, Iordaniya, Eron, Saudiya Arabistoni, Yaman va Livan kabi 36 mamlakatdan 500 nafardan ortiq velopoygachilar ishtirok etadi.

SHuningdek, Osiyo chempionatida erkaklar va ayollar 2020 yilda Tokioda bo'ladigan navbatdagi yozgi Olimpiya o'yinlari yo'llanmalari uchun ham o'zaro raqobatlashadi.

Musobaqa doirasida joriy yil 26 aprel kuni Toshkent shahridagi “International Hotel Tashkent” mehmonxonasida Osiyo velosiped sporti konfederaciyasining navbatdagi Kongressi ham o'tkaziladi.

Osiyo chempionatiga Xalqaro velosipedchilar ittifoqi (UCI) raisi David Laparten va Osiyo velosport konfederaciyasi (ASS) raisi Osama Ahmad Al-SHafar rahbarligidagi nufuzli delegaciyalarning tashrifi kutilmoqda.

Mazkur nufuzli musobaqani jahon standartiga mos ravishda yuqori saviyada tashkil etish, texnik va amaliy yordam ko'rsatishda Germaniyaning “Inflame Sports GbR” firmasi bilan yaqindan hamkorlik qilinadi.