Velotrek bo'yicha O'zbekiston chempionati yakunlandi

Musobaqa keyingi kunlarida o'smirlar va qizlar o'rtasida skretch yo'nalishida poygalar o'tkazildi. O'smirlar o'rtasida bahslarda Respublika ixtisoslashtirilgan olimpiya zaxiralari maktab-internati o'quvchisi Botir Ismatov g'oliblikni qo'lga kiritgan bo'lsa, qizlar o'rtasida Guliston ixtisoslashtirilgan olimpiya zaxiralari maktab-internati o'quvchisi Yanina Kuskova eng yaxshi natijani qayd etdi.

Mazkur musobaqa iqtidorli va istiqbolli sportchilarni selekciya qilish, O'zbekiston chempionatlarini tuman, viloyat respublika bosqichi tizimi bo'yicha o'tkazish, g'olib va sovrindor bo'lgan sportchilarni milliy terma jamoalar zaxirasi va asosiy tarkibiga kiritish hamda ularni uzluksiz o'quv-mashg'ulot yig'inlariga jalb etish va xalqaro musobaqalarga yuborishni joriy etish maqsadida tashkil etildi.