14 iyu 22:11
Yangiliklar

Dzyudo

Vengriya Gran-prisi. Bekmurod 5-o'rin bilan kifoyalandi

Vengriya poytaxti Budapesht shahri mezbonlik qilayotgan dzyudo bo'yicha Gran-pri turkumiga kiruvchi turnir yakuni sari yaqinlashmoqda.

Hozirgina musobaqaning +100 kg vazn toifasidagi bellashuvlarida ishtirok etgan vakilimiz Bekmurod Oltiboev bronza medali uchun bahsda tatamiga chiqdi.

Afsuski, Oltiboev gruziyalik polvon Gela Zaalishviliga qarshi kechgan bahsda raqibiga imkoniyatni boy berib, 5-o'rin bilan kifoyalandi.

SHu tariqa, O'zbekiston terma jamoasi Vengriya Gran-prisini 2 ta bronza medali bilan yakunladi. Hamyurtlarimizdan SHahram Ahadov (-66 kg) va Hikmatulloh To'raev (-73 kg) Toshkentga bronza medali hamda 350 reyting ochkosi bilan qaytadigan bo'lishdi.