Veyli CHjanning kamari uchun kimlar jang qilishi malum bo'ldi + POSTER

CHjan bitta vazn yuqoriga ko'tarilib, ushbu vazn chempioni qirg'izistonlik Valentina SHevchenkoning kamari uchun oktagonga chiqadi. Xitoylik aralash yakkakurash ustasi so'nggi jangini fevral oyida Tatyana Suaresga qarshi o'tkazib, ochkolar hisobiga ko'ra g'alaba qozongan va chempionlik kamarini muvaffaqiyatli himoya qilgan edi.

UFC rahbari Dana Uayt vakant qolgan chempionlik kamari uchun kimlar jang qilishini tasdiqladi. 25 oktyabr kuni Abu-Dabi mezbonlik qiladigan UFC 321 turnirida Virn Yandiroba va Makkenzi Dern o'zaro jangda chempionlik kamariga kim ko'proq munosib ekanligiga oydinlik kiritib olishadi. Yandirova hozirda divizion reytingida birinchi, Makkenzi esa beshinchi o'rinni egallab turibdi. 

Ushbu jang revansh maqomida bo'ladi. 2020 yilning 13 dekabr kuni UFC 256 turniri doirasida o'tkazilgan ilk jangda Makkenzi hakamlarning yakdil qarori evaziga g'alaba qozongan edi.