Volkanovski Maxachev - Maddalena jangiga taxmin bildirdi

Volk Maddalenaning engil vazndagi kamarini vakant qoldirib yarim o'rta vazn toifasiga o'tgan Islamning debyutini barbod qila olishiga ishonmoqda.

"Jekni kamsitib bo'lmaydi. U haqiqiy yarim o'rta vazn toifasidagi jangchi, Belal esa greppler. Qarang, u buni qanday uddaladi. "Stoyka"dagi janglarda u haqiqiy mahluq. Ishonchim komil, o'sha jangdan keyin uning teykdaunlarga qarshi kurashish va himoyalanishga bo'lgan ishonchi mutlaqo yangi bosqichga ko'tarildi.

Dahshatli jang kutyapman. Jek bo'lajak jang oldidan men bilan mashg'ulot o'tkazishiga umid qilyapman. Albatta, nimadir tashkil qilamiz. Della - bu qurol. Bilaman, Islam bu jangni engil qabul qilmayapti va bu bilan to'g'ri qilmoqda", - dedi avstraliyalik Submission radiosiga bergan intervyusida.

Kuni kecha Della Maddalena rossiyalik raqibini muddatidan oldin mag'lubiyatga uchratish niyatida ekanini aytgandi. Maxachev bilan ikki marta oktagonni bo'lishgan Volkanovski ham bunday scenariyni istisno qilmayapti.

"Jekning boksi va pressingi aql bovar qilmas darajada. U aniq muddatidan oldin g'alaba qozonishi mumkin. Islam - zo'r jangchi. Uning yarim o'rta vaznga o'tishi diviziondagi ko'pchilik uchun dahshatli tush bo'ldi. Lekin fikrimcha, Maddalena ko'pchilik ishonmayotgan ishni amalga oshira oladi", - deya qo'shimcha qildi tashkilotning yarim engil vazn toifasidagi amaldagi chempioni.

Eslatib o'tamiz, yarim o'rta vazn chempionligi uchun Jek Della Maddalena va Islam Maxachev o'rtasidagi jang 15 noyabr kuni AQSHning Nyu-York shahrida tashkil etiladigan UFC 322 turniri doirasida bo'lib o'tadi.