Volkov Jonsning chempionligi haqida: Uni yangi divizionda hali ko'p ko'rmadik

“Jons Ganning xatolaridan unumli foydalandi. U jangning boshidanoq xatolarni kutgani o'z mevasini berdi. Umuman olganda Jon Jonsni yangi divizionda hali ko'p ko'rganimiz yo'q.

Bu haqiqatdan ham divizion darajasini yangiladi va barchani to'lqinlantirib yubordi. Jang ajoyib o'tdi, endi nimalar bo'lishini sabrsizlik bilan kutyapman.

Reytingda kim qaysi o'rinda ekanligiga unchalik ahamiyat bermayman. Nomlar ham unchalik muhim emas, asosiysi: “Titulga ega bo'lish uchun nimalar qilib qo'yding?”. Masalan, men kim bilan jang qilsam ham titul janglari uchun loyiqman. Menimcha barcha jangchilar shunday o'ylashi kerak.

Jon Jons o'z kamarini necha bora himoya qilishini bilmaymiz. Biroq hali kimdadir imkoniyat yuzaga keladi”, - dedi Volkov.