Vondroushova faoliyatida ikkinchi bor "Katta Dubulg'a" turniri finaliga chiqdi, u Svitolinani mag'lub etdi

Turnirning birinchi yarim final uchrashuvida jahonning 42-raketkasi chexiyalik Marketa Vondroushova va WTA reytingida 76-o'rinni egallab turgan ukrainalik Elina Svitolina to'qnash keldi. 

Bir soatu 16 daqiqa davom etgan uchrashuvda chexiyalik tennischi raqibasini bir xil 6:3, 6:3 hisoblarida mag'lub etdi. SHu tariqa, Vondroushova faoliyatida ikkinchi bor "Katta Dubulg'a" turniri finaliga chiqdi. 2019 yilda u "Rolan Garros" finaliga chiqqan va Eshli Bartiga imkoniyatni boy berib qo'ygan edi. Hozircha u WTA'ning bitta unvoniga ega. 

Vondroushova endi bosh sovrin uchun tunislik Ons Jaberga qarshi bahs olib boradi.