Voqea joyidan olingan kadrlarni ko'rib, ko'zingizga yosh keladi yohud Argentinaning "Milliy fojia”si

Avto va moto sport uchun qayg'uli voqealar fevral oyida boshlandi. Hech bo'lmaganda Maradona, Messi va Fangio kabi buyuk nomlar uchun ham Argentinadagi mazkur fojiaga etibor qaratishimiz kerak.

Argentinaning Santiago del Estera provinciyasidagi (Buenos-Ayresdan ming km uzoqlikda joylashgan) Temas de Rio Hondo sxemasi Moto GP Gran-prisiga, 2014 yildan beri turizm avtomibillari o'rtasidagi jahon chempionati bosqichlariga mezbonlik qilmoqda. 2015-2016 yillarda Dakar ishtirokchilari bu erga tashrif buyurishdi. Mahalliy poygachilar orasida Formula-1 Gran-prisi uchun nomzodlar ham paydo bo'ldi. Umuman olganda, ushbu poyga trassasini mamlakatdagi eng yaxshisi deyish mumkin. Ammo, endi bu erda oddiy musobaqalar uchun rejalar ham uzoq muddatga qoldirildi.

5 fevral kuni tunda mahalliy vaqt bilan soat 23:0da shahar yong'in xavfsizligi bo'limiga trassada yong'in sodir bo'lganligi to'g'risida xabar berildi. Olovni tezda o'chirish mumkin emas edi va Termas del Hondo haqiqiy do'zaxga aylandi.

"Mehmonxonalar, matbuot markazi, sharh xonalari va butun VIP sektor yonmoqda. Bir nechta o't o'chirish guruhlari yong'inni Xuan-Manuel Fangio (F-1 bo'yicha 5 karra jahon chempioni)ning muzeyiga etib bormasligi uchun harakat qilmoqda. Voqea joyidan olingan kadrlarni ko'rib, ko'zingizga yosh keladi", - deb yozadi, jurnalist Leo Rigeyra.

Mazkur yong'in chin manoda global falokatga aylandi - deyarli butun shahar uni ko'rdi. O't o'chiruvchilar tonggacha olov bilan kurashdilar va oxir-oqibat g'alaba qozonishdi. Ammo asosiy binolar butunlay yo'q bo'ldi. Kompleks menejerlari hali ham Moto GP musobaqasini noyabr oyida o'tkazishga umid qilmoqdalar: "Afsuski, media markazi, poyga nazorat markazi butunlay yonib ketdi. Yo'lning oxiridagi marshallar muzeyi va kuzatuv binolari, bazi idoralar, kichik mehmonxonalarga jiddiy zarar etmagan.

Yaqin kunlarda muzey yana jamoatchilik uchun ochiladi.

Avtodrom yong'indan to'liq sug'urta qilingan. SHuning uchun iqtisodiy zarar qoplanadi. Biroq, xalqaro va milliy poygalar uchun eng muhim yo'nalishlarni qayta qurish uzoq vaqt talab etadi, albatta.

Yaxshiyamki, qurbonlar bo'lmagan. Policiya, municipalitet va trassa ishchilariga zarar etmasligi uchun qo'lidan kelgan barcha choralarni qo'llagan yong'in xavfsizligi xizmatiga katta rahmat.

Biz darhol ishga kirishamiz, bosh rejalarimizni bajarish va Moto GP tadbirini noyabr oyida o'tkazish uchun barcha imkoniyatlarimizni ishga solamiz».

Pandemya sababli qoldirilgan mahalliy Gran-priga hali kamida 9 oy vaqt bor. Ammo vayronagarchilik ko'lami uning o'tkazilishi haqiqatiga shubha tug'diradi. Kassa binolari bir necha marta qurilgan, 2-3 oy ichida qayta tiklangan. Biroq qurilishdan oldin odatda bir yil yoki hatto bir yarim yil davom etadigan puxta rejalashtirish va tayyorgarlik ishlari olib boriladi.

Argentinaliklar og'ir koronavirus va lokdaun davrini qay tarzda boshdan kechirishlari katta savol!

Yong'inning sabablari hali aniq emas, ammo shahar prokurori allaqachon tergov boshlanganligini elon qilgan. Uning so'zlariga ko'ra, yarim kun ichida policiya o'sha paytda VIP sektorda nomalum shaxslar va yong'inning boshlanish nuqtasini topishgan. Tergov yong'in qasddan sodir etilganini istisno etmayapti 

Sarvinoz Raxmonqulova tayyorladi