vRINGe nigohida Meliqo'ziev va Do'smatov

Jahon professional boks olamida eng “gigant” internet tarmoqlaridan biri hisoblanadigan «vRINGe» sayti 22 iyun kungi sahifasida dunyo prof boks olamida yuz berayotgan voqeliklar xususida bir qator mutaxassis, promuoter va bloggerlarning qiziqarli fikrlari jamlangan “Kelajakning engilmaslari, ertangi jahon chempionlari bo'ladi”, deya nomlangan maqolani elon qildi. 

Sayt mutaxassislari “jahon boksining yorqin yulduzlaridan biri - ikki karra Osiyo chempioni, jahon chempionati sovrindori, Olimpiya o'yinlarining kumush medal sohibi Bektemir Meliqo'zievning yaqin kelajakda profboks olamida ajoyib texnikasi, musht zarbi va shiddatga ega bo'la turib, kutilmaganda mag'lubiyatga uchrashi 2021 yilning “apset” jangi bo'ldi”, deya etirof etishdi.

«vRINGe» saytida berilgan ushbu maqolada etiborga molik jihatdan yana biri, sayt muharriri Svyatoslav Osipov professional boks olamida Meliqo'zievning vaziyatiga tushib qolish holatlari oldin ham va bundan keyin ham davom etishi tabiiyligini takidlagan.  SHuningdek, u yaqin kelajakda chempionlik maqomiga ega bo'lishi mumkin bo'lgan bokschilarni to'rtta guruhga ajratgan xolda birinchi guruh – chempionlik kamariga biron bir jangda mag'lub bo'lmasdan, yani “engilmaslar” qatorida Erik Rosa, Jessi Rodriges, Hasanboy Dusmatov, Joshua Buatsi va Feliks Keshni aytib o'tgan.

- CHempionlik sportchi va trenerning natijasi emas, bu kuchli va irodali, matonatli jamoaning birdamlikdagi mehnati,- deydi O'zbekiston professional boks federaciyasi bosh kotibi Bekzod Soliev.- Jahon boks olamidagi hech bir natija o'z-o'zidan qo'lga kiritilmaydi. Mayk Taysonni olasizmi, Klichkolarmi yoki o'zimizning Axmadaliev g'alabari sportchi-trenernigina yutug'i emas, bu katta bir jamoaning-sportchi, trener, menedjer, dietolog, shifokor, sekundant, tashviqotchi, promuoter... tinimsiz mehnati mahsulidir. SHu manoda, ulkan g'alabalar osonlik bilan qo'lga kiritilmaydi. Oddiy mag'lubiyatlardan fojea yasamaslik kerak. G'oliblik yo'li aslida o'sha «vRINGe» sayti aytib o'tganidek, “apset”lardan yani kutilmagan natijalardan boshlanadi. 

To'lqin RO'ZIEV