WBC reytingi. 7 nafar o'zbek bokschisi qanday o'rinda?

WBC boshqa tashkilotlardan farqli ravishda kuchli 15 bokschini emas, 40 nafar charm qo'lqop ustasi reytingini elon qiladi. 

Kuni kecha elon qilingan reytingdan 7 nafar o'zbekistonlik bokschi o'rin olgan. 

Birinchi o'ta engil vazn toifasida (-48,9) Hasanboy Do'smatov avvalgi oydagi kabi 32-pog'onada qolgan.

Birinchi yarim o'rta vazn toifasida (-63,50 kg) ikki  vakilimiz WBC reytingida TOP-40dan joy olgan. SHohjahon Ergashev WBC reytingida 25-pog'onadan joy olgan. Yana bir charm qo'lqop ustamiz Anvar Turopov esa 40-o'ringa joylashgan. Avvalgi oyda SHahram G'iyosov reytingda 40-o'rinda qayd etilgandi. Ammo bu safar SHahram ushbu reytingni tark etgan. 

Birinchi o'rta vazn toifasida (-69,8 kg) ayni paytda WBA Intercontinental chempionlik kamari sohibi bo'lib turgan charm qo'lqop ustamiz Isroil Madrimov yangilagan reytingning avvalgi oydan bitta o'rin ko'tarilib. 21-pog'onaga ko'tarilib oldi. Ushbu vaznda WBC Youth kamarini qo'lga kiritgan Ravshan Mahammadjonov avvalgi oydagi kabi 40-o'rinda qolgan.

Ikkinchi o'rta vazn toifasidagi Azizbek Abdug'ofurov (-76,2 kg) oltinchi o'rinda qolgan. Eslatib o'tamiz, Azizbek ayni paytda WBC Silver kamari sohibi hisoblanadi. Lekin viza bilan bog'liq muammolar sabab u janglarini o'tkaza olmayapti. Mazkur vaznda shuningdek WBA Americas kamari sohibi Bektemir Meliqo'ziev avvalgi oydagidek 37-o'rinda qolgan.