WBC reytingi. Madrimov bir pog'ona ko'tarildi, Qudratillo esa reytingni tark etdi va boshqa bokschilarimizning o'rni

WBC boshqa tashkilotlardan farqli ravishda kuchli 15 bokschini emas, 40 nafar charm qo'lqop ustasi reytingini elon qiladi. 

Kuni kecha elon qilingan reytingdan 6 nafar o'zbekistonlik bokschi o'rin olgan. 

Birinchi o'ta engil vazn toifasida (-48,9) Hasanboy Do'smatov 32-pog'onaga joylashdi.

Birinchi yarim o'rta vazn toifasida (-63,50 kg) faoliyatini davom ettirayotgan SHohjahon Ergashev WBC reytingida 33-pog'onadan joy olgan. Yana bir charm qo'lqop ustamiz Anvar Turopov esa 39-o'ringa joylashgan. 

Yarimo'rta vazn toifasida janglarda ishtirok etadigan Qudratillo Abduqahhorov (-66,67 kg) o'tgan oyda oltinchi o'rinda qayd etilgandi. Ammo yangilangan reytingda u yo'q. Bu katta ehtimol bilan bokschimiz IBF kamari uchun jang qilishi bilan bog'liq.

Birinchi o'rta vazn toifasida (-69,8 kg) bir necha kun oldin g'alaba qozongan, ayni paytda WBA Intercontinental chempionlik kamari sohibi bo'lib turgan charm qo'lqop ustamiz Isroil Madrimov yangilagan reytingning 25-pog'onasidan joy olgan. U o'tgan oyda 26-pog'onada qayd etilgandi.

Ikkinchi o'rta vazn toifasidagi Azizbek Abdug'ofurov (-76,2 kg) esa ikkinchi o'rinda qolgan. Eslatib o'tamiz, Azizbek ayni paytda WBC Silver kamari sohibi hisoblanadi. Mazkur vaznda shuningdek Bektemir Meliqo'ziev 39-pog'onaga joylashgan.

Mavzuga aloqador:

WBA reytingi yangilandi. O'zbek bokschilari qaysi o'rinlarni egallab turishibdi?

IBF yangi reytingni elon qildi. O'zbek bokschilarining o'rni qanday?