WBC reytingi yangilandi: Bir bokschimiz reytingni tark etdi, yana biri kiritildi + POSTER

Butunjahon Boks uyushmasi mart oyi uchun yangilangan reytingni elon qildi. Yarim o'rta vazn toifasidagi Jamshid Najmittinov reytingni  tark etdi. Ushbu vazndagi Jahongir Rasulov mazkur reytingga ilk bor kiritildi.

SHu tariqa, reytingda 10 nafar charm qo'lqop ustamiz o'rin egalladi. 

Ularning joylashgan o'rinlari bilan tanishing:

Superog'ir vazn: Bahodir Jalolov o'tgan oydagi singari16-o'rinda;

Super o'rta vazn toifasi (76,2 kg): Azizbek Abdug'ofurov 1 pog'ona yuqoriladi va 9-o'ringa joylashdi; Bektemir Meliqo'ziev 23-o'rinni band etdi, o'tgan oyda u 22-pog'onada edi;

Super yarim o'rta vazn (69,8 kg): Isroil Madrimov o'tgan oydagidan bir pog'ona pastlab 7-o'ringa joylashdi;

Yarim o'rta vazn (66,6 kg):  SHahram G'iyosov 19-o'rin; Jahongir Rasulov reytingga kiritilib 34-o'ringa joylashtirildi;

Super engil vazn (63,5 kg): SHohjahon Ergashev o'tgan oydagidan bitta o'rin ko'tarilib 12-o'rinda qayd etildi; Botir Ahmedov esa 1 pog'ona pastladi - 22-o'rin;

Yarim engil vazn (57,1 kg): Otabek Xolmatov 14-o'rin, bokschimiz o'tgan oyda 15-pog'onani band etib turgan edi;

Birinchi o'ta engil vazn (48,8 kg): Hasanboy Do'smatov o'tgan oydagi kabi 10-pog'onani band etgan.