WBC reytingi yangilandi: G'iyosov, Nazarov ko'tarildi, Meliqo'ziev pastladi, Jalolov o'zgarishsiz

Unga ko'ra, Bahodir Jalolov mart oyidagi o'rnini saqlab qoldi - 12-pog'ona! SHahram G'iyosov va Olimjon Nazarov o'tgan oydagi reyting o'rinlariga nisbatan bir pog'onaga ko'tarilib olishgan. Bektemir Meliqo'ziev va Hasanboy Do'smatov aksincha, bir o'ringa pastlashgan. 

Reytingdan 8 nafar bokschimiz o'rin olgan:

Superog'ir vazn: Bahodir Jalolov o'tgan oydagi kabi 12-o'rinda qolgan;

Supero'rta vazn toifasi (76,2 kg): Bektemir Meliqo'ziev bir pog'ona pastladi va 14-o'ringa joylashdi;

Yarimo'rta vazn (66,6 kg): SHahram G'iyosov o'tgan oydan bir pog'ona yuqorilab, 11-o'rinni egallagan bo'lsa; Jahongir Rasulov bir pog'onaga pastladi - 33-o'rin;

Birinchi yarimengil vazn (55,3 kg): Murodjon Ahmadaliev 4-o'rinda qoldi; Mirazizbek Mirzaxalilov bir pog'onaga pastlab, 27-o'rinni band etdi;

Engil vazn (50,82 kg): Olimjon Nazarov 1 pog'ona yuqorilab, 31-o'ringa joylashdi;

Birinchi o'ta engil vazn (47,6 kg): Hasanboy Do'smatov bir pog'onaga pastladi - 6-o'rin.