WBC'ning yangilangan reytingida Bahodir Jalolov ko'tarildi, yana bir bokschimiz reytingni tark etdi + POSTER

Butunjahon Boks uyushmasi dekabr oyi uchun yangilangan reytingni elon qildi. Noyabr oyida Olimjon Nazarov reytingni tark etgan bo'lsa, dekabrda Elnur Abduraimov ushbu ro'yxatdan chiqib ketdi. 

SHu tariqa, reytingda 10 nafar charm qo'lqop ustamiz qoldi. 

Ularning joylashgan o'rinlari bilan tanishing:

Superog'ir vazn: Bahodir Jalolov o'tgan oydagi o'rniga nisbatan 3 pog'ona yuqorilab, 14-o'ringa joylashdi;

Super o'rta vazn toifasi (76,2 kg): Azizbek Abdug'ofurov 1 pog'ona ko'tarildi va 11-o'ringa joylashdi; Bektemir Meliqo'ziev esa 26-o'rinni band etdi, o'tgan oyda u 25-pog'onada edi;

Super yarim o'rta vazn (69,8 kg): Isroil Madrimov doimgidek 8-o'rinda;

Yarim o'rta vazn (66,6 kg): Qudratillo Abduqahhorov o'tgan oydagidan  pog'ona pastlab 18-o'ringa joylashdi; SHahram G'iyosov 21-o'rin, G'iyosov o'tgan oyda 20-o'rinda edi;  Jamshidbek Najmitdinov o'tgan oydagi kabi 29-o'rinda;

Super engil vazn (63,5 kg): SHohjahon Ergashev 11-o'rinda qayd etildi, bokschimiz o'tgan oyda 13-o'rinni band etib turgandi, Botir Ahmedov 3 pog'ona yuqorilab 22-o'ringa joylashtirildi;

Birinchi o'ta engil vazn (48,8 kg): Hasanboy Do'smatovning o'tgan oydagi kabi 13-o'rinni band etgan.