Western & Southern Open. Medvedev muvaffaqiyatli start oldi

Rossiyalik tennischi ikkinchi davrada ATP reytingida 18-o'rinni egallab turgan italiyalik Lorenco Muzettini ortiqcha qiyinchiliksiz mag'lubiyatga uchrata oldi - 6/3, 6/2. Bu tennischilarning o'zaro o'tkazgan ikkinchi uchrashuvi edi. O'tgan hafta Torontoda o'tgan ilk uchrashuvda ham Medvedevning qo'li baland kelgandi. 

Etmish sakkiz daqiqa davom etgan bahsda Medvedev 3 ta eys, 4 ta breykni amalga oshirib, 4 ta qo'shxatoga yo'l qo'ydi. Daniil Western & Southern Open turniri 1/8 finalida germaniyalik Aleksandr Zverevga qarshi kortga chiqadi. Olmon tennischisi ikkinchi bosqichda yaponiyalik Yosixito Nisiokadan ustun keldi.