World Boxing. Uchchala bokschimiz ham final yo'llanmasini qo'lga kiritdi

Musobaqaning beshinchi kun dasturida 3 nafar bokschimiz 1/2 final janglarida ringga chiqdi va quvonarlisi, ularning bari raqiblarini yaqqol ustunlik bilan mag'lubiyatga uchratdi. Jahon chempioni Mirazizbek Mirzaxalilov gvatemalalik Jose Felipega hech qanday imkoniyat qoldirmadi - 5:0. 

Aynan u bokschilarimizning bugungi ishtirokini boshlab berdi. Keyin Javohir Ummataliev (-80 kg) qozog'istonlik Dias Moljigitovni, Akmaljon Isroilov (-85 kg) esa polshalik Yakub Strashevskini taslim etdi va finalga yo'l oldi. 

Bokschilarimiz ishtirokidagi jang natijalari:

-55 kg: Mirazizbek Mirzaxalilov - Jose Felipe (Gvatemala) soat 5:0

-80 kg: Javohir Ummataliev - Dias Moljigitov (Qozog'iston) 5:0

-85 kg: Akmaljon Isroilov - Yakub Strashevski (Polsha) 5:0

Eslatib o'tamiz, bir kun oldin Parij-2024 Olimpiadasi ishtirokchisi To'rabek Habibullaev (-90 kg), eng og'ir (+90 kg) vazndagi charm qo'lqop ustamiz Jahongir Zokirov, Asilbek Jalilov (-50 kg) va Fazliddin Erkinboev (-75 kg) raqiblarini mag'lub etib, finalga yo'l olgandi. Final janglari ertaga o'tkaziladi.