Xabib: "Braziliyaga borib, braziliyalik chempionni brazil jiu-jitsusida mag'lub etamiz"

"UFC jangning Braziliyada o'tkazilishini aytsa, bu bizga maqul bo'lardi. Braziliyaga borib, braziliyalik chempion bilan jang qilish va uni brazil jiu-jitsusida mag'lub etish... Bu menga yoqdi. Bu haqda qanday fikrdasiz? Qiyin bo'ladimi?

Men Islamning kurash evaziga g'alaba qozona olishiga ishonaman. Endi sizlar Islam tufayli meni qoralaysizlar, lekin bu kimga qiziq?

Bir safar San-Pauluda Tiago Tavares bilan jang qilgan edim. Bu juda qisqa jang bo'lgan edi, yarim daqiqa, va bum. Jangdan oldin hamma mening o'lishimni aytgan edi. Jangdan keyin esa hamma men bilan suratga tushdi. Islam va CHarlz Oliveyra bilan ham shunday bo'ladi", - deya Xabibning so'zlarini keltiradi MMA Fighting.

Eslatib o'tish joiz, Islam Maxachev so'nggi bor 27 fevral tongida Bobbi Gringa qarshi jang qilgan edi.

Avvalroq, CHarlz Oliveyra Islam Maxachev va Xabib Nurmagomedovga murojaat qilgani haqida xabar bergan edik.