Xabib Islam Maxachev faoliyatini qachon yakunlashini aytdi

"Rostini aytsam, menimcha, Islam 1,5–2 yil ichida faoliyatini yakunlaydi. Oktyabrda u 34 yoshga to'ladi, vaqt o'tganda hech kim avvalgidek bo'lib qolmaydi. 35 yoshda to'xtash, yo'lni yoshlarga bo'shatib berish yaxshiroq. Agar o'z vaqtida ketmasang — boshqalar seni ketkazadi. Bungacha olib bormaslik kerak. Bu mening barcha jangchilarga maslahatim. Agar "pik" davring o'tgan bo'lsa, sen faqat pul uchun jang qilasan va sog'lig'ingni yo'qotasan. Bir kuni uyingga qaytib, farzandlaringning savollariga javob bera olmay qolasan, chunki boshing yaxshi ishlamay qoladi", -  dedi Xabib Nyu-Yorkdagi matbuot anjumanida.