Xabib Maxachev va Oliveyra o'rtasidagi ehtimoliy jang haqida gapirdi

"Otam aytganidek: "Xabib faoliyatini tugagach, Islamning navbati keladi". Agar ular Braziliyada jang bo'lishini xohlasa shunday bo'ladi. Muammo yo'q. Biz Braziliyaga, Rio-de-Janeyroga, San-Pauluga boramiz. Jangdan ikki hafta oldin u erga boramiz, katta uy ijaraga olamiz, katta jamoa bilan tayyorgarlikni boshlaymiz.

Biz CHarlz Oliveyrani Braziliya zaminida, o'z uyida mag'lub qilamiz. Biz barcha muxlislarga eng yuqori nazorat qanday bo'lishini, odamlarni qanday qilib mag'lub qilishimizni o'rgatish niyatidamiz. Biz kamar bilan qaytamiz", — deya Xabibning so'zlarini keltiradi MMA Junkie.

Eslatib o'tamiz, Maxachev aralash yakkakurashlarda 22 g'alaba va 1 mag'lubiyat qayd etgan. Oliveyra esa MMAda 33 g'alaba qozongan va 8 mag'lubiyat qayd etgan.