Xabib Nurmagomedov murabbiylik faoliyatini qayta tikladi

Bu malumotni Xabibning murabbiyi Xaver Mendes ham tasdiqladi. U ayni paytda "Amerika kikboksing Akademiyasi" bosh murabbiyi sifatida faoliyatini davom ettirmoqda. Mendes Xabib Nurmagomedov nima uchun bir necha haftadan beri San-Xose ekanini ham izohladi. 

"Odamlar bir narsaki bilishlari kerak, Xabib hech qachon murabbiylikdan ketdim demagan. U shunchaki oilasi davrasida ko'proq bo'lishi uchun mashg'ulot lagerlariga bormaslik va shu bilan birga oktagonda sekundantlik qilmaslikka qaror qilgandi. Ishonchim komil, u bir kun oktagonga qaytadi va mening yonimda bo'ladi. O'shanda men mashinaning orqa o'rindig'ida xotirjam o'tirib ketaman, chunki uning boshqaruvida Xabib bo'ladi. Uning burchakda, mening yonimda bo'lishi jangchilarga yaxshigina motivaciya beradi", - dedi Mendes. 

O'z o'rnida Nurmagomedovning o'zi ham San-Xoseda uzoq vaqt qolganini ochiqladi. 

"San-Xose bir necha ajoyib haftani o'tkazdim. Men hanuz mashaqqatli mashg'ulotlarni xush ko'raman. Bu menga energiya beradi", - dedi sobiq UFC chempioni.