27 jan 11:01
Yangiliklar

Boks/MMA

Xabib Nurmagomedov Pol Xyuzni Dog'istonga taklif qildi

Nurmagomedovga faoliyatidagi eng qiyin jangni taqdim eta olgan irlandliyalik Pol Xyuz o'z raqibi yurtida mehmon bo'lishi mumkin.

Bu haqda engil vazn toifasida amaldagi Bellator chempioni Usman Nurmagomedovning murabbiyi Xabib Nurmagomedov aytib o'tdi.

"Pol Xyuz, jang va olingan tajriba uchun senga katta rahmat aytmoqchiman. Fursatdan foydalanib, seni Dog'istonga, o'z oilam va jamoamga taklif qilaman. Istalgan vaqting kelishing mumkin. Menga ishon, sening tashrifing birinchi galda o'zingga maqul keladi, qolaversa o'sib kelayotgan yosh avlod uchun o'rnak bo'ladi", - dedi Xabib.

Eslatib o'tamiz, Pol Xyuz Usman Nurmagomedovga qarshi kechgan besh raundlik jangda ochkolar hisobiga ko'ra imkoniyatni boy berib qo'ygan, ammo raqibiga etarlicha qarshilik ko'rsata olgandi. Hakamlardan biri durang natijani qayd etgan bo'lsa, qolgan ikki nafari g'alabani Usmanga bergandi.