Xamzat CHimaev keyingi jangi sanasini elon qildi

SHveciyalik aralash yakkakurash ustasi 4 mart kuni AQSHning Nevada shtati Las-Vegas shahrida oktagonga ko'tariladi. Hozircha raqib nomi rasman malum emas. Bu haqda CHimaevning o'zi xabar berdi. 

"Men allaqachon mashg'ulot lageridaman. Lekin hozircha raqibim kim bo'lishini bilmayman. Nomlar tez-tez o'zgaryapti. Har hafta menga qo'ng'iroq qilib, raqib o'zgarganini aytishyapti. Men bilan jang qilishni istayotganlar ko'p, lekin ish shartnoma imzolashga kelganida hamma qochib qolyapti. Menga to'rtta davlatdan to'rt raqib berishdi. Lekin yakunda hech biri jangga rozi bo'lmadi. Ko'ramiz nima bo'lar ekan, ammo men 4 mart kuni Las-Vegasda oktagonga chiqmoqchiman", - dedi "Borz". 

Asli kelib chiqishi chechenistonlik bo'lgan Xamzatning aytishicha, u yarimo'rta va o'rta vazn toifalarida jang qilishga tayyor. SHu jumladan, o'rta vaznning yangi chempioni Aleks Pereyra bilan ham. 

"Yarimo'rta yoki o'rta vazn – menga umuman farqi yo'q. Raqib berishsa bo'lgani. Ochig'i, raqib kutishdan charchadim. Ijtimoiy tarmoqda raqib izlash menga yarashmaydi. Keyingi jangim chempionlik bo'lishi kerak. Aleks Pereyraning rekordi 6-1. U mag'lubiyatga uchragan, men esa hayotimda ham yutqazmaganman. UFC ham bu jangni xohlayapti. Lekin Pereyra jangdan qochyapti. Bu holatda nima qila olaman?", - deya so'ziga yakun yasadi CHimaev. 

Malumot uchun, 28 yoshli Xamzat CHimaev sentyabr oyida amerikalik Kevin Xolandni jang yakunlanishiga uch daqiqa qolgan bir paytda bo'g'ish usun bilan mag'lubiyatga uchratgan va UFC promoushenidagi g'alabali seriyasini oltita jangga etkazib olgandi.