Xanchjou-2022, Parij-2024: Dzyudo federaciyasining taqdimoti o'tkazildi

Bugun kunning ikkinchi yarmida ZOOM platformasida O'zbekiston dzyudo federaciyasining ushbu ikki nufuzli musobaqaga bag'ishlangan taqdimoti o'tkazildi. Tadbirda O'zbekiston Milliy olimpiya qo'mitasi hamda O'zbekiston Jismoniy tarbiya va sport vazirligi mutasaddilari kuzatib borishdi.

Taqdimotni O'zbekiston dzyudo federaciyasi rais o'rinbosari SHoatxam Isroilov namoyish qildi. Mutaxassis yaqin 4 yil ichida dzyudo olamida ro'y beradigan voqeliklar, jumladan, poytaxtimiz mezbonlik qiladigan kattalar o'rtasidagi jahon chempionatiga tayyorgarlik, vazn toifalaridagi rotaciyalar, selekciya ishlari, Tokio Olimpiadasiga 10 ta shaxsiy vazn toifalari va jamoaviy yo'nalishda licenziya qo'lga kiritish rejalari haqida batafsil gapirib berdi.

SHuningdek, taqdimot davomida MOQ prezidenti maslahatchisi Nazirjon Xudoyqulov ham o'z fikrlarini bildirib o'tdi.

“Taqdimot bilan yaqindan tanishdik. Aytish mumkinki, barchasi aniq va ravshan ko'rsatib o'tilgan. SHu o'rinda selekciya ishlarini yanada chuqurroq va keng ko'lamda olib borish muhim. Zero, dzyudo doimo yurtimiz nomini dunyoga tanitgan sport turlaridan hisoblanadi. Bu borada Jismoniy tarbiya va sport vazirligi hamda Milliy olimpiya qo'mitasi o'z yordamini berishga tayyor”, – dedi N.Xudoyqulov.

Tadbir davomida Ravshan Ahmadjonov terma jamoamizning o'z oldiga qo'ygan ulkan maqsadlari hamda mazkur taqdimot bo'yicha atroflicha fikr-mulohazalar bildirdi.