Xanchjou-2022, Parij-2024: Qilichbozlikning barcha yo'nalishlarida licenziya kutilayotgan emish

MOQ rahbariyati Olimpiya sport turlari bo'yicha federaciya va associaciyalar bilan Xanchjou-2022 Osiyo o'yinlari va Parij-2024 Olimpiya o'yinlariga olib borilayotgan tayyorgarlik bilan tanishib chiqishda davom etadi. O'zbekiston qilichbozlik federaciyasi bilan shunday rejalar muhokama qilindi.

Mazkur tadbir onlayn formatda MOQ hamda O'zbekiston qilichbozlik federaciyasi raisi Rustam SHoabdurahmonov tomonidan olib borildi. Unda, shuningdek, federaciya rahbariyatining boshqa mutasaddilari va murabbiylar ham ishtirok etishdi. Xanchjou va Parij musobaqalariga tayyorgarlik bo'yicha federaciya bosh kotibi Gulnora Saidova batafsil gapirib o'tdi. Suhbat davomida MOQ raisi har bir yo'nalishdagi murabbiylar bilan rejalar haqida alohida gaplashdi.

“Terma jamoalarimizga o'z sohasining kuchli mutaxassislari jalb qilingan. Bizni hukumatimiz qo'llab-quvvatlayotgan ekan, ular bilan yuksak natijalarga erisha olamiz. Muhtaram Prezidentimiz Yangi O'zbekistonni barpo qilmoqdalar. Biz bunda sport sohasidagi g'alabalarimiz bilan hissa qo'shishimiz lozim. Tushunaman, qilichbozlikda ham Olimpiya o'yinlariga yo'llanma va unda medal olish murakkab. Biroq biz buni birgalikda uddalashimiz kerak”, – dedi Rustam SHoabdurahmonov.

Har bir yo'nalish murabbiylari suhbatda o'z dasturlari bo'yicha iqtidorli sportchilar bilan ishlash rejasi, Olimpiya o'yinlari uchun yo'llanmalar kutilayotgani haqida aytib o'tishdi. O'z navbatida, MOQ raisi selekciya ishlarni yanada kuchaytirish, viloyatlardan iqtidorli sportchilarni saralashga alohida etibor qaratish lozimligini takidladi.