Xitoylik kurashchi 39 yoshli Magomed Ibragimovni "nafaqa"ga kuzatib qo'ydi

Eng oxirgi umidimiz Magomed Ibragimov pley-offning final bellashuvida alamli mag'lubiyatni qabul qilib oldi.

Ibragimov avvaliga dramatik kechgan bellashuvda makedoniyalik Magomedgadji Nurovni, keyin moldovalik Radu Lefferni mag'lubiyatga uchratgandi. Hal qiluvchi bahsda esa xitoylik Avusayman Xabilaga yutqazdi. Birinchi bo'lim hamyurtimiz bir ballni qo'lga kiritdi. Ikkinchi uch daqiqalikda CHin yurti vakili bir ochkoga ega bo'ldi. So'nggi qo'lga kiritilgan ball Xabilaga Parij-2024 Olimpiadasi licenziyasini taqdim etdi. Murabbiylarimiz tomonidan so'ralgan chellenj ham yordam bermadi. 

SHu tariqa, Rio-2016 Olimpiadasining bronza medali sovrindori o'zi uchun uchinchi Olimpiadada ishtirok eta olmaydigan bo'ldi. O'zbekiston erkin kurash terma jamoasining uchchala vakili ham yurtimizga licenziyasiz qaytadigan bo'ldi. Magomed Ibragimovga ko'p yillik xizmati uchun rahmat aytamiz. Endi yoshlarga yo'lni bo'shatish kerak.