Xollouey Maxachevning ikki vazn chempionligini shubha ostiga oldi

"Nega birdaniga ikkita kamaring bor? Omma oldida maqtanish uchunmi? Menimcha, shunga o'xshaydi. Go'yoki ikki karra chempiondek ko'rinasan, lekin aslida unday emassan, chunki faqat bitta kamarni himoya qilasan. Nega ikkitasini o'zing bilan olib yuribsan? Men buni tushunmayapman", — dedi amerikalik jangchi Kick platformasidagi jonli efir vaqtida.

Yakshanba tongida Islam Maxachev Filadelfiyada bo'lib o'tgan UFC 330 turnirining asosiy jangida Yen Machado Gerrini hakamlarning yakdil qarori bilan mag'lub etib, yarim o'rta vazn toifasidagi UFC chempionlik kamarini ilk bor muvaffaqiyatli himoya qilgandi. Bungacha rossiyalik engil vaznda to'rt marta chempionlik kamarini himoya qilgan va Genri Sexudo, Daniel Korme, Jon Jons va Amanda Nunes qatoriga qo'shilgandi — nomlari tilga olingan ikki xil vazn toifasida chempionlik kamarlarini muvaffaqiyatli himoya qila olgan UFC jangchilaridir.

Maxachev engil vazndagi chempionlik unvonidan voz kechganidan so'ng, kamar ikki marta o'z egasini o'zgartirdi: avvaliga vakant kamar uchun bo'lgan jangda CHarlz Oliveyrani nokautga uchratgan Iliya Topuriya chempion bo'ldi, keyinroq esa birlashtiruvchi jangda "El Matador"ni sensacion tarzda mag'lub etgan Jastin Getji chempionlik kamariga ega chiqdi.