Xolmurod Nurmatov Usman - CHimaev jangi haqida: "Bu jangni ko'rishni xohlamagan bo'lardim"

Engil vazn toifasidagi aralash yakkakurash ustamiz Xolmurod Nurmatov Islam Maxachev - Aleksandr Volkanovski, Xamzat CHimaev - Kamaru Usman janglari uchun taxmin bildirdi.

"UFC 294 juda kuchli kard bo'ldi. Anchadan buyon bu darajadagi kard bo'lmayotgan edi. Asosiy jang - Islam Maxachev va Aleks Volkanovski o'rtasidagi uchrashuvda men Islamga muxlislik qilaman. Uning g'alabasini kutyapman. Maxachev bu safar Aleskni 2 yoki 3-raundda og'ritish usuli bilan mag'lub etadi. CHunki Volkanovski zaxiraga chiqayapti, tayyorgarlik lageri alo darajada emas. Islam Maxachev birinchi jangda o'z xatolarini tushunib etgan va ularni takorlamaydi deb o'ylayman. 

Xamzat - Kamaru jangiga to'xtaladigan bo'lsak, har ikkisiga muxlislik qilaman. Aslida bu ikkisining jangini ko'rishni xohlamagn bo'lardim. Bu jang haqida nima deyishga ham xayronman. Menimcha, jang to'liq 5 raund davom etadi. Usmanning ham, CHimaevning ham kurashi, fizikasi kuchli. Xamzat bo'yining balandligi va qo'llarining uzunligi evaziga stoykada ustunlik qilishi mumkin", - dedi Nurmatov.