18 jan 10:39
Yangiliklar

Olimpiya o'yinlari, Qishki sport turlari

XOQ Borndalenga Olimpiada-2018 uchun imtiyozli kvota bermaydi

Norvegiyalik afsonaviy biatlonchi sakkiz karra Olimpiada chempioni Ule-Eynar Borndalen to'rt yillikning eng nufuzli musobaqasida ishtirok etmaydigan bo'ldi.

Norvegiya terma jamoasi murabbiylari Borndalenning so'nggi natijalari talab darajasida bo'lmagani uchun uni Olimpiadaga boradigan yakuniy tarkibga kiritishmagandi. SHundan so'ng Xalqaro Olimpiya qo'mitasining Ule-Eynarga imtiyozli shaxsiy kvota berishi mumkinligi haqidagi xabar tarqatilgan edi.

Lekin kecha Xalqaro Olimpiya qo'mitasi tomonidan bunday imtiyoz taqdim etilmasligi haqidagi qaror qabul qilindi. SHu tariqa, Borndalen rasman kelasi oy Janubiy Koreyaning Pxyonchxan shahrida o'tkaziladigan Qishki Olimpiadada ishtirok etmaydigan bo'ldi.