Xorijlik ekspert ishtirokida “Suzish hamma uchun” seminari boshlandi

Unda xalqaro federaciya mamlakatimizda suv sporti turlarini yanada rivojlantirish, mahalliy hakam va murabbiylar uchun xorijlik mutaxassislar ishtirokida seminarlar o'tkazishi belgilangan edi. Bugun poytaxtimizdagi Respublika Olimpiya va Paralimpiya sport turlariga tayyorlash markazida ana shunday kurslardan biri boshlandi.

“Suzish hamma uchun” nomi ostida tashkil etilgan ushbu seminar xorijlik ekspert Aleksey Akatev ishtirokida olib borilmoqda. Qayd etish joiz, ushbu mutaxassis o'tgan yilning dekabr oyida mamlakatimizga tashrifi chog'ida Toshkent, Samarqand, Qarshi shaharlaridagi suzish havzalarini ko'zdan kechirish barobarida Respublikamizdagi infratuzilmani o'rgangan edi.

Joriy seminar 2 qismdan iborat bo'lib, dastlabkisi 27 fevral – 5 mart kunlari faoliyatini yaqinda boshlagan murabbiylar uchun tashkil etiladi. SHundan so'ng 6-12 mart kunlari o'rta darajadagi trenerlarning pedagogik mahorati oshiriladi. Rejaga muvofiq, dastlab tinglovchilarga nazariy talim beriladi.