Xushxabar! Karatechimiz o'smirlar Olimpiadasiga licenziya qo'lga kiritdi

Unda 84 mamlakatdan 325 nafarga yaqin sportchi ishtirok etdi. Terma jamoamiz sharafini Dildor Aliqulova (-53kg), Bonu Egamberdieva (-59kg), SHohrux Tursunmahammatov (-61kg),  Saidislom Jo'raev (-68kg), SHahzodjon Boymuxammedov (+68 kg) kabi sportchilar himoya qilishdi.

-53 kg vazn toifasida musobaqada ishtirok etgan yurtdoshimiz Dildor Aliqulova musobaqa davomida Belgiya (6:1), CHexiya (0:0, hakamlar qaroriga ko'ra), Ozarbayjon (4:0) kabi mamlakat vakilalarini mag'lubiyatga uchratib, yarim finalga yo'l oldi. Final yo'llanmasi uchun kechgan qiyin bahsda u Buyuk Britaniya vakilasini mag'lub etdi (4:3) va final chiptasini qo'lga kiritish bilan birga, Argentinada bo'lib o'tadigan o'smirlar Olimpiya o'yinlari licenziyasi sohibasiga ham aylandi. Finalda eronlik raqibga qarshi kechgan jangda u 1:2 hisobida imkoniyatni boy berdi.

SHu tariqa sportchimiz licenzion musobaqaning kumush medali sohibasiga aylandi. Ushbu musobaqada birinchi va ikkinchi o'rin sohiblari Buenos-Ayres yo'llanmasini qo'lga kiritdilar.


SHu tariqa, Argentina Olimpiadasiga yo'llanmalarimiz soni 24taga etdi. Bugungi kunga kelib III yozgi o'smirlar Olimpiya o'yinlari uchun terma jamoamiz hisobida quyidagi sport turlarida licenziyalar mavjud:

Sport kurashlari – 5ta
Og'ir atletika – 3 ta
Baydarka va kanoeda eshkak eshish – 3 ta
Akademik eshkak eshish – 3 ta
Sport gimnastikasi – 2 ta
Sport akrobatikasi – 2 ta
Trampolin - 1
Badiiy gimnastika – 1 ta
Ot sporti (konkur) – 1 ta
Taekvondo – 1 ta
Boks – 1 ta
Karate – 1 ta.

Eslatib o'tamiz, III yozgi o'smirlar Olimpiya o'yinlari 6-18 oktyabr kunlari Argentinaning Buenos-Ayres shahrida bo'lib o'tadi.