10 fev 21:45
Yangiliklar

Dzyudo

Xushxabarlar davom etadi! Vyacheslav Pereteyko Tokio Paralimpiya o'yinlarida hakamlik qiladi!

Teglar : Paralimpiya

Xalqaro toifadagi referi Vyacheslav Pereteyko rasman Tokio Paralimpiya o'yinlarida hakamlik qilish huquqini qo'lga kiritdi.

Bu haqida Xalqaro dzyudo federaciyasi (IJF) Hakamlar qo'mitasi malum qildi. Tashkilot bu borada O'zbekiston dzyudo federaciyasiga rasmiy maktub yo'lladi va tegishli sertifikatni taqdim etdi. Vyacheslav Pereteyko IJF bayrog'i ostida o'tkazib kelinayotgan musobaqalarda hakamlik qilib, o'zini ijobiy tomondan namoyon eta oldi.

MA'LUMOT UCHUN:

Vyacheslav Pereteyko - 1981 yil 19 yanvarda Toshkent shahrida dunyoga kelgan. Sportchilik faoliyati davomida asosan -90 kg vazn toifasidagi bellashuvlarda yurtimiz sport sharafini himoya qilgan. Afina-2004 Olimpiadasi ishtirokchisi, Osiyo chempionatlarining kumush va bronza, Osiyo o'yinlarining bronza medali sovrindori bo'lgan.

O'zbekiston dzyudo federaciyasi matbuot xizmati