XVII yozgi Paralimpiya o'yinlari uchun medallar jamlanmasi dasturi elon qilindi

Unga ko'ra, Franciya poytaxtidagi o'yinlarda ayollar o'rtasida 235 ta medallar jamlanmasi o'ynaladi.

Bu Tokio-2020dan 8 taga ko'p. Bundan tashqari, o'yinlarda kamida 1859 nafar ayol sportchi ishtirok etadi, bu esa Tokio-2020dan 77 taga ko'p deganidir.

Parij-2024 da og'ir turdagi nogironligi bo'lgan sportchilar uchun ko'proq musobaqalar o'tkaziladi.

Parijdagi Paralimpiya o'yinlarida jami 4400 nafardan ortiq bo'lmagan sportchi ishtirok etadi va sportning 22 turi bo'yicha 549 medallar jamlanmasi uchun kurash olib boradi.

Xalqaro Paralimpiya qo'mitasi azolarining og'ir turdagi nogironligi bo'lgan sportchilar uchun raqobat imkoniyatlarini kengaytirish bo'yicha say-harakatlarini qo'llab-quvvatlagan holda, bochcha bo'yicha medallar soni 7 tadan 11 tagacha oshiriladi.

Dzyudo va eshkak eshish bo'yicha og'ir nogironligi bo'lgan sportchilarga beriladigan medallar soni ham ortadi.

Xalqaro Paralimpiya qo'mitasi barcha beshta jamoaviy sport turlari bo'yicha musobaqa formatini standartlashtirdi. Endi barcha jamoaviy musobaqalarda 8 ta jamoa ishtirok etadi.

Tokiodagi muvaffaqiyatli debyutdan so'ng badminton bo'yicha 16 ta medal jamg'armasi bo'ladi, bu Tokio-2020dagidan 2 taga ko'p.

Para taekvondo bo'yicha medallar soni 6 tadan 10 taga ko'payadi, shuningdek, ishtirokchilar soni 66 foizga ortadi.

Bochchada erkaklar va ayollar uchun 4 turdagi, shuningdek, 3 ta aralash dastur bo'ladi. Ilgari faqat aralash yoki ochiq musobaqalar o'tkazilardi.

Rio-de-Janeyrodagi o'yinlarda ilk bor ishtirok etgan para kanoe va para triatlon sport turlari bo'yicha medallar soni mos ravishda 10 va 11 taga oshiriladi.

Para engil atletika va para suzishda medallar soni mos ravishda 3 va 5 taga kamayadi. SHuningdek ushbu sport turlari bo'yicha ishtirokchilar soni ham qisqaradi.

Medallar jamlanmasi Xalqaro Paralimpiya qo'mitasining Ijroiya kengashi tomonidan Parijdagi Paralimpiya o'yinlari uchun sportchilar kvotalari maqullanganidan keyin rasman tasdiqlanadi.