Yamal yana bir sovringa ega chiqdi

"Barselona" va Ispaniya terma jamoasi vingeri Lamin Yamal Ispaniya futbolchilari associaciyasi (AFE) talqiniga ko'ra 2025/2026 yilgi mavsumda La Liganing eng yaxshi o'yinchisi deb topildi.

Mukofot Ispaniya futbolining turli darajalaridagi eng yaxshi o'yinchilarga topshiriladi. G'oliblar boshqa futbolchilarning ovoz berishi orqali aniqlanadi.

O'tgan mavsumda 19 yoshli Yamal Ispaniya Primerasida 28 ta o'yin o'tkazib, 16 ta gol va 12 ta golli uzatmaga mualliflik qildi. Lamin 2023 yildan beri "ko'k-anorranglilar"ning asosiy jamoasida to'p surib kelmoqda.

Vingerning klub bilan amaldagi shartnomasi 2031 yilning 30 iyuniga qadar mo'ljallangan. Transfermarkt portalida keltirilgan malumotlarga ko'ra, futbolchining bozor qiymati 220 mln evroni tashkil etadi.