Yana bir hamyurtimiz Octagon 47 turnirida jang qiladi, raqib malum!

Avvalroq, musobaqa doirasida o'zbekistonlik SHohasan Mirzamatovning jang qilishi haqida xabar bergan edik.

Kecha yana bir hamyurtimizning ushbu turnirda jang qilishi malum bo'ldi. Yarim o'rta vazn toifasida o'zbekistonlik aralash yakkakurash ustasi Nizomiddin Isroilov (3-3) Octagon 47 doirasida qozog'istonlik Nurbek Tajibaev (5-2)ga qarshi oktagonga chiqadi. Ushbu jang 3 raund etib belgilangan.

Eslatib o'tamiz, Nizomiddin Isroilov so'nggi jangini 4 mart kuni Eraj Nasriddinovga qarshi o'tkazib, muddatidan oldin g'alaba qozongan edi. Nurbek Tajibaev esa oxirgi jangini o'tgan yilning iyul oyida Majit Sardarovga qarshi o'tkazib, mag'lub bo'lgandi.