06 apr 12:10
Yangiliklar
Dzyudo
Yana bir o'zbek derbisi bo'ladi: Kemran Nurillaev - SHarofiddin Lutfullaev
Qirg'iziston poytaxti Bishkek shahrida dzyudo bo'yicha kattalar o'rtasidagi Osiyo-Okeaniya chempionatining birinchi kungi bahslari davom etmoqda.
-60 kg vazn toifasidagi bellashuvlarda yurtimiz sharafini himoya qilayotgan dzyudochilarimiz Kemran Nurillaev va SHarofiddin Lutfullaev chorak final uchrashuvida kuchli raqiblariga yutqazib qo'yishdi.
Kemran ikki karra jahon chempioni, yaponiyalik mashhur dzyudochi Naoxisa Takatoga, jahon chempionatining kumush medali sovrindori bo'lgan SHarofiddin esa koreyalik Xarim Liga imkoniyatni boy berib qo'ydi. Endi har ikki dzyudochimiz bronza medali yo'lidagi o'tish bahsida bir-birlari bilan tatamida ro'baro' kelishadi. G'olib dzyudochi kechki dasturda Osiyo chempionatining bronza medali uchun tatamiga chiqish huquqini qo'lga kiritadi.
Havola :
Manba : olamsport.com
Fikrlar