Yana ikki taniqli boks yulduzi Toshkentga keladi

WBC matbuot xizmati tadbirga tashrif buyuradigan yana ikki taniqli sobiq bokschi nomini elon qildi.

Unga ko'ra, birinchi yarim o'rta vazn toifasida meksikalik sobiq WBC chempioni Xulio Sezar CHaves yurtimizga keladi. U 115 ta professional jang o'tkazgan va ularning 107 tasida g'alaba qozongan, oltita jangda mag'lub bo'lgan va yana ikki jang durang bilan yakunlangan. U faoliyati davomida Oskar de la Xoyya, Kostya Czyu, Xose Luis Ramires kabi bokschilar bilan jang qilgan.

Bundan tashqari, engil vazn toifasida bir nechta yo'nalishlarda sobiq jahon chempioni, panamalik 72 yoshli Roberto Dyuran ham Toshkentdagi tadbirda ishtirok etadi. U faoliyati davomida 119 ta jang o'tkazgan, ularning 103 tasida g'alaba qozongan, qolgan 16 ta jangda esa mag'lub bo'lgan.