Yangiobod bazasidagi yig'in yakuniga etdi

Murabbiylar Aleksandr Kim va Maksim Rafalovich boshchiligidagi 8 nafar taekvondochimiz 29 iyuldan 13 avgustga qadar Yangiobod bazasida mashg'ulot o'tkazishdi. 

Takidlash lozimki, ushbu bazada o'zbek boks yulduzlari Bahodir Jalolov, Elnur Abduraimov va Mahmud G'oipov taekvondochilar bilan yonma-yon mashg'ulot o'tkazishdi. Bokschilar murabbiylar Marat Qurbonov, To'lqin Qilichev, Rahmatjon Ro'ziohunov qo'l ostida ishlashdi. 

Ushbu yig'inda ishtirok etgan taekvondochilar ro'yxati: Nikita Rafalovich, Ulug'bek Rashitov, Jasur Jaysunov, SHuxrat Salaev, 

Niyoz Po'latov, SHohruh Rajabov, CHaros Qayumova, Madinabonu Mannopova, Nigora Tursunqulova, SHahboz Tusmatov, Firuza Sodiqova, Svetlana Osipova.  

Murabbiylar: Aleksandr Kim, Maksim Rafalovich.

"Bu o'quv-mashg'ulot yig'inida asosan jismoniy tayyorgarlikka etibor qaratildi. Toza havoda mashg'ulot olib bordik. Bir kun o'zimiz shug'ullansak, ertasiga bokschilar bilan birga mashg'ulot o'tkazdik. To'g'risi mashg'ulotlar juda ham qiziqarli o'tdi. Ko'proq chidamlilikni oshirishga yo'naltirilgan mashqlarni bajardik. Qisqa qilib aytganda bu yig'in barchamizga foydali bo'ldi", - deydi 2018 yilgi Osiyo o'yinlari kumush medali sohibasi Madinabonu Mannopova.

"Yig'in yaxshi o'tdi. Bu yig'in davomida umumiy va maxsus jismoniy tayyorgarlikni yaxshilashga etibor qaratdik. SHogirdlarim o'zlarining jismoniy hamda tezkorlik hususiyatlarini yaxshilash ustida ishlashdi. O'zbekistonlik mashhur bokschilar bilan mashg'ulotlar olib bordik. Ko'plab sovrinlarni qo'lga kiritgan bokschilar bilan birga shug'ullanish yigitlarga maqul keldi. Bizning terma jamoa murabbiylari boks murabbiylaridan anchagina foydali maslahatalar olishdi. Ulardan ko'p narsalarni o'rgandik. Bundan tashqari yig'in davomida zamonaviy texnika yordamida sportchilarning sog'ligini baholash ustida ham ishladik", - deydi murabbiy Maksim Rafalovich.

O'zbekiston taekvondo WTF Associaciyasi matbuot xizmati