Yaponiyaga atalgan Budapesht turnirida O'zbekiston nechanchi o'rinni egalladi?

Ushbu musobaqa Yaponiya terma jamoasiga ataldi desak xato bo'lmaydi. Dzyudo vatani vakillari 8 ta oltin va 1 ta bronza medali bilan umumjamoa hisobida birinchi o'rinni egallashdi. Kunchiqar yurt vakillari va ikkinchi o'rindagi Italiya o'rtasidagi tafovut 7 ta oltin medalni tashkil qilgan. Kuchli uchlikka braziliyalik dzyudochilar 1 tadan oltin, kumush va bronza medallari bilan yakun yasashdi. 

Etti sportchi bilan ishtirok etgan O'zbekiston terma jamoasi esa 1 ta kumush va 1 ta bronza medali bilan 37 davlat dzyudochilari orasida 12-pog'onadan joy oldi. Rahimjon Subhonov kumush, SHohruh Baxtiyorov bronza medalini terma jamoamizga taqdim etgandi.