Yarim finalga etib kelgan Hurramov va Oltiboev bronza uchun kurashadi

Qita chempionatining so'nggi kuni erkaklar -90, -100, +100 kg, ayollar esa -78 hamda +78 kg vazn toifalarida musobaqa medallari hamda Tokio-2020 Olimpiadasiga muhim reyting ochkolari uchun tatamiga chiqishyapti. 

Xabar berganimizdek, bugungi bahslarda o'zbekistonlik dzyudochilardan 5 nafari ham o'z mahoratini namoyish qilmoqda. 

-100 kg vazn toifasidagi polvonimiz Muhammadkarim Xurramov Xitoy Taypeyi vakili Ji Guan Lu, avstraliyalik Kayxan Takagi-O'zchichekni mag'lub etib, yarim finalga yo'l oldi. Ammo, final ostonasida koreyalik Jong Xun Vonga imkoniyatni boy berib qo'ydi. Birozdan so'ng u bronza medali uchun bahsda pokistonlik SHax Husayn SHaxga qarshi tatamiga chiqadi. 

+100 kg vaznda yurtimiz sharafini himoya qilayotgan Bekmurod Oltiboev ham yarim finalda to'xtatildi. Bekmurod bahraynlik Azamat CHotchaev, qirg'izistonlik Bekbolot Toktogonovni taslim etdi. Yarim finalda esa koreyalik Sang Min Kimga yutqazib qo'ydi. Endi u bronza medali uchun yana bir koreyalik dzyudochi Min Jong Kimga qarshi bahs olib boradi.