11 jan 21:49
Yangiliklar

Sport kurashlari

Yasar Dogu-2020. Erkin kurashchilarimizda oltin, kumush va bronza (+FOTO)

Xabar berib o'tganimizdek, Turkiyaning Istanbul shahrida erkin kurash bo'yicha "Yasar Dogu-2020" ananaviy xalqaro turniri bo'lib o'tmoqda.

Avvalroq musobaqada uch nafar hamyurtimiz medal uchun jang qilishi haqida xabar qilgandik.

Musobaqada -70 kg vazn toifasida yurtimiz sharafini himoya qilgan Ilyas Bekbulatov finalda mezbon sportchi Xaydar Yavuzni mag'lub etdi va oltin medalga sazovor bo'ldi. -57 kg vaznli G'ulomjon Abdullaev esa hal qiluvchi jangda bolgariyalik Georgiy Vangelovga imkoniyatni boy berdi va kumush medal bilan kifoyalandi. -97 kg vazn toifasida esa Magomed Ibragimov bronza medali sohibiga aylandi.

Endi ertaga -125 kg vaznli hamyurtimiz Hasanboy Rahimov bronza medali uchun jang qiladi. Eslatib o'tamiz, Hasanboy o'tgan yili jahon chempionatida Tokio Olimpiadasi yo'llanmasini qo'lga kiritgandi.