11 jan 12:12
Yangiliklar

Boks/MMA

Yaxshi xabar! Bahodir Jalolov WBC reytingida 14-o'ringa ko'tarilib oldi + FOTO

Professional boksning superog'ir vazn toifasida mag'lubiyat va murosa nimaligini bilmay kelayotgan Bahodir Jalolov yangilangan WBC reytingida Top-15`talikka kirishga muvaffaq bo'ldi.

WBC professional boksdagi eng nufuzli yo'nalish hisoblanadi. Ayni paytda britaniyalik Tayson Fyuri superog'ir vazn toifasida ushbu kamar sohibi bo'lib turibdi. Uning sobiq egasi amerikalik Deontey Uaylder reytingda birinchi o'rinda bormoqda.

Yana bir sobiq jahon chempioni Endi Ruiz (Meksika) ikkinchi o'rinni egallab turgan bo'lsa, kuchli uchlikka kubalik Frenk Sanches yakun yasagan. Asli kelib chiqishi rossiyalik, hozirda Kanada nomidan o'z janglarini o'tkazib kelayogan Arslanbek Mahmudov 4-pog'onadan joy olgan. Top-15`da xitoylik Jiley Jang bormoqda.