Yosh bokschilarimiz Belarusdagi musobaqani 7 ta medal bilan tugatishdi

Bungacha O'zbekiston boks federaciyasining rasmiy sayti va ijtimoy tarmoqlardagi sahifalari orqali bokschilarimizning qayd etayotgan natijalari haqida xabar berib o'tgandik. Bugun musobaqa o'z nihoyasiga etdi. Hal qiluvchi final janglarida ikki nafar o'zbek bokschisi ishtirok etdi.

-49 kg vaznli Avazjon Yo'ldoshev belaruslik Vladislav Smolovskiga 1:4 hisobida imkoniyatni boy berdi. Dilshod Abduvaliev (-52 kg) esa rossiyalik Evgeniy Jorovga 0:5 hisobida yutqazdi. 

Kecha o'tkazilgan janglar yakuniga ko'ra, besh nafar bokschimiz bronza medaliga ega chiqqandi. 

Musobaqa davomida medallar qo'lga kiritgan bokschilarimiz:

Kumush:

-49 kg: Avazjon Yo'ldoshev 

-52 kg: Dilshod Abduvaliev 

Bronza:

-49 kg: Ibrohim Ishjanov

-52 kg: Fayzullo Xudoyberdiev

-64 kg: Umid Qadamboev

-69 kg: Sirojiddin Xojakmetov

-75 kg Nurislom Ismoilov

Musobaqa yakunlariga ko'ra, +91 kg vaznli bokschimiz Jahongir Zokirov "Tomoshabinlar olqishi" mehri sovriniga loyiq topildi. Musobaqada ishtirok etgan hakamimiz SHerzod Ahmedovga esa "Obektiv va professional hakamlik" uchun maxsus diplom topshirildi.

O'zbekiston boks federaciyasi matbuot xizmati