05 may 13:44
Yangiliklar

Dzyudo

Yosh dzyudochilarimiz Aqtaudan medallar bilan qaytishdi

Qozog'istonning Aqtau shahrida dzyudo bo'yicha o'smirlar o'rtasida xalqaro turnir bo'lib o'tdi.

Ananaviy tarzda o'tkazib kelinayotgan ushbu musobaqada 2003-2004 hamda 2006-2007 yillarda tavallud topgan o'smir va qizlar tatamiga chiqishdi. XI xalqaro turnirda yurtimiz dzyudochilari ham muvaffaqiyatli tarzda ishtirok etishdi.

Jumladan, -35 kg vazn toifasida yurtimiz sharafini himoya qilgan Yunusbek SHavkatov barcha raqiblarini mag'lubiyatga uchratib, xalqaro musobaqa g'olibiga aylandi.

SHu vazn toifasida ishtirok etgan Amirbek Otaboev va Asadbek Egamberganov bronza, -46kg vazndagi yurtdoshimiz Imomaddin Karimov esa kumush medalni qo'lga kiritdi.

SHuningdek, o'z vazn toifalarida Zuhra Umarova, Mardonbek Ahmedov, Yunusbek SHavkatov, Javohir Ilhomov bronza medallariga sazovor bo'lishdi.