Yosh erkin kurashchilarimiz Greciyadagi turnirda 5 ta medal qo'lga kiritishdi

Musobaqada Respublika olimpiya zaxiralari kollejining sport kurashlari bo'limida tahsil olayotgan yosh erkin kurashchilarimiz - Amirxon va Hojixon Karimov, Abdulloh Mashrabov, Yakkakurash sport turlariga ixtisoslashtirilgan bolalar-o'smirlar sport maktabi tarbiyalanuvchilari SHohruh Raimov va Ozodbek Ozodbekov ham muvaffaqiyatli ishtirok etishdi. 

Etiborlisi, bu turnirda ham Sanjar Mashrabov shogirdlarining bari xuddi bir hafta avval Polshada bo'lgani kabi shohsupaga ko'tarilishdi. Polshada egizak Karimovlar bitta vaznda qatnashib, finalga etib kelishgandi. Odatga ko'ra aka-ukalar finalda bir-birlariga qarshi gilamga chiqishmagan, shunchaki oltin va kumush medallarni bo'lishib olishgan edi. SHohruh Raimov va Ozodbek Ozodbekov kumush, Abdulloh Mashrabov esa bronza medaliga sazovor bo'lgandi. 

Kecha yosh kurashchilarimiz Olimpiadaning tarixiy vatani, aniqrog'i Krit orolida yakuniga etgan xalqaro turnirda ham 5 ta medalga ega chiqishdi. Bu safar ham egizak Karimovlar finalga etib kelishdi va bu gal ham final bellashuvi o'tkazilmadi. Hojixon Karimov oltin, Amirxon esa kumush medalni o'ziniki qilib oldi. SHohruh Raimov va Ozodbek Ozodbekov oltin, Abdulloh Mashrabov kumush medalni qo'lga kiritdi.