05 avg 16:01
Yangiliklar

Boks/MMA

Yosh MMA jangchimiz Sanjar Zokirov navbatdagi jangini ACA ligasida rossiyalik ACA Gran-Prisi g'olibiga qarshi o'tkazadi + POSTER

17 avgust kuni Rossiyaning Grozniy shahrida MMA bo'yicha Absolute Championship Akhmat ligasining ACA Young Eagles 39 turniri o'tkaziladi.

Malum bo'lishicha, musobaqa doirasida o'ta engil vazn toifasida o'zbekistonlik taniqli MMA jangchisi Sanjar Zokirov (5-0) ham jang qiladi. Unga o'sha kuni mazkur vaznda liganing Gran-Pri turniri chempioni bo'lmish rossiyalik tajribali Islam Konchiev (10-3) raqiblik qiladi. Jang musobaqaning asosiy kardiga kiritilgani aytilmoqda.

Eslatib o'tamiz, Sanjar Zokirov so'nggi prof jangini mart oyida tojikistonlik "Metro Lyubino" taxallusi bilan tanilgan Saymumin Madievga qarshi o'tkazib, g'alaba qozongan edi. Islam Konchiev esa oxirgi jangini yana bir hamyurtimiz - Lazizxon O'zbekovga qarshi o'tkazib, zafar quchgan edi.

Avvalroq, Sanjar Zokirov Franciyaning MMA Grand-Prix ligasi bilan shartnoma imzolagani haqida xabar bergan edik.