25 mar 14:16
Yangiliklar

Tokio-2020

YUNESKO Konvenciyasi yuzasidan yig'ilish o'tkazildi

Teglar : YUNESKO

Dunyo bo'yicha deyarli barcha mamlakatlar amal qilishi lozim bo'lgan bir qator xalqaro normativ hujjatlar mavjud.

Ulardan biri Butunjahon antidoping kodeksiga qo'shimcha ravishda tasdiqlangan “Sportda dopingga qarshi kurash to'g'risida”gi xalqaro Konvenciyadir.

2005 yilning 19 oktyabr kuni qabul qilingan Konvenciyaning asosiy maqsadi tinchlik va xavfsizlikka ko'maklashishga hissa qo'shish, shuningdek jismoniy tarbiya va sport sohasidagi faoliyatida dopingni oldini olish va uni bartaraf etish maqsadida sportda dopingga qarshi kurashishdir.

Mazkur Konvenciya qoidalariga amal qilinishi bo'yicha har ikki yilda bir marotaba Franciyaning Parij shahrida YUNESKO tashkilotiga azo 195 dan ortiq davlatlar vakillari ishtirokida sessiya o'tkaziladi.

O'zbekiston Respublikasi Milliy antidoping agentligida mazkur masalaga aloqador bo'lgan vazirlik va idoralar vakillari ishtirokida ishchi yig'ilish tashkil qilindi.

Yig'ilishda, YUNESKO ishlari bo'yicha O'zbekiston Respublikasi Milliy komissiyasi, Yoshlar siyosati va sport vazirligi, Milliy olimpiya qo'mitasi va Farmacevtika tarmog'ini rivojlantirish agentligidan vakillar ishtirok etishdi.

Ishchi yig'ilish raisi O'zbekiston Respublikasi Milliy antidoping agentligi direktori A.Sadikov Konvenciyaning asosiy maqsadi, unda ko'rsatilgan bandlar bo'yicha amalga oshirilgan va bajarilishi lozim bo'lgan masalalarga to'xtalib o'tdi.