19 fev 20:43
Yangiliklar

Sport kurashlari

Yunon-rim kurashchilarimiz Osiyo chempionatida umumjamoa hisobida ikkinchi bo'lishdi FOTOGALEREYA

Hindistonning Nyu-Deli shahrida o'tkazilayotgan Osiyo chempionatining ikkinchi kungi bellashuvlarida 4 ta medal qo'lga kiritganimiz haqida xabar bergan edik.

Yunon-rim kurashi bahslari yakuniga ko'ra, O'zbekiston terma jamoasi umumjamoa hisobida Erondan so'ng ikkinchi o'rinni egalladi. Hamyurtlarimiz 1 ta oltin, 2 ta kumush va 3 ta bronza medalini qo'lga kiritishdi. Kuchli uchlikka Qozog'iston terma jamoasi yakun yasagan.

Etiborlisi, o'tgan yilgi Osiyo va jahon chempionatlarida ham O'zbekiston terma jamoasi umumjamoa hisobida ikkinchi o'rinni band etgan edi.

Osiyo chempionati g'olib va sovrindorlari:

Oltin medal

-63 kg: Elmurat Tasmuradov

Kumush medal

-55 kg: Jasurbek Ortiqboev

-67 kg: Mahmud Baxshilloev

Bronza medal

-60 kg: Islomjon Bahromov

-82 kg: Jalgasbay Berdimuratov

-97 kg: Muhammadali SHamsiddinov