23 avg 13:56
Yangiliklar

Sport kurashlari

Yunon-rum kurashchilarimiz jahon chempionatida 6 ta medal qo'lga kiritishdi

Yunon-rum kurashi bo'yicha O'zbekiston o'smirlar terma jamoasi Amman shahri (Iordaniya) mezbonlik qilayotgan jahon chempionatidagi ishtirokini yakunladi.

Ortda qolgan kun davomida uchinchi o'rin uchun kurash olib borgan 4 nafar hamyurtimizning barchasi g'alaba qozonib, terma jamoamiz hisobiga bronza medallarini qo'shib qo'yishdi.

Bronza medali:

-45 kg: Umidjon Karomov

-60 kg: Farruh Yo'ldoshev

-71 kg: Behruzbek Valiev

-92 kg: Faxrikamol Komiljonov

SHu tariqa, "klassik" kurashchilarimiz hisobidagi medallar 1 ta kumush va 5 ta bronzani tashkil etdi. Ushbu natija bilan hamyurtlarimiz ochkolar bo'yicha umumjamoa hisobida ikkinchi o'rinni egallashdi. Bugundan erkin kurash ustalari g'oliblik uchun bahslarga kirishishadi.