Yunon-rum kurashchilarimiz Osiyo chempionatida 4 ta medalga ega chiqishdi

Ushbu qita chempionatida O'zbekiston terma jamoasining istedodli kurashchilari barcha yo'nalish hamda vazn toifalarida ishtirok etyapti. Bugun Osiyo chempionatida yunon-rum kurashi vakillari medallar uchun gilamga chiqishdi.

Bugungi bahslarda 4 nafar yunon-rum kurashchimiz shoxsupaga ko'tarildi. -60 kg vazn toifasidagi hamyurtimiz Amirbek Sultonov barcha raqiblarini mag'lubiyatga uchratib, Osiyo chempioniga aylandi. U hal qiluvchi final bellashuvida eronlik raqibini mag'lub etishning uddasidan chiqdi. 

-55 kg vaznda o'z imkoniyatini sinovdan o'tkazgan Abror Ataboev finalga qadar mag'lubiyatsiz etib borib, kumush medalni qo'lga kiritdi. -48 kg vaznda Quvonchbek Toshnazarov, -92 kg vazn toifasida Jahongir Hoshimov bronza medaliga sazovor bo'ldi.