19 iyu 20:03
Yangiliklar

Sport kurashlari

Yunon-rum kurashchilarimiz Spala shahrida mashg'ulot o'tkazishyapti

SHu kunlarda yunon-rum kurashi bo'yicha O'zbekiston terma jamoasi Polshaning Spala shahrida tashkil etilayotgan xalqaro o'quv mashg'ulot yig'inida bo'lib turibdi.

Poytaxt Varshavadan 117 km uzoqlikda joylashgan ushbu kurort shaharchada bir nechta sport turlari bo'yicha Polsha olimpiya terma jamoalari uchun bunyod etilgan mashg'ulot bazasi bor. Aynan shu bazada dunyoning 10 ta davlatidan kelgan yunon-rum kurashi terma jamoalari uchun xalqaro o'quv-mashg'ulot yig'ini tashkil etilgan. Ular orasida Ravshan Ro'ziqulov boshchiligidagi O'zbekiston yunon-rum kurashi terma jamoasi ham bor.

Spaladagi xalqaro o'quv-mashg'ulot yig'inida o'zbekistonlik kurashchilar bilan birga Norvegiya, Germaniya, Franciya, Xorvatiya, Vengriya, Litva, Finlyandiya, Ruminiya va SHveciya terma jamoalari ham ishtirok etyapti. Terma jamoamizning ushbu yig'ini 24 iyunga qadar davom etadi.